रत्नागिरी : महाराष्ट्र क्रिकेट असोसिएशनच्या राज्य पॅनेलवर पंचांची नियुक्ती करण्यासाठी जुलै-ऑगस्ट २०२४ मध्ये पंचांसाठी परीक्षा आयोजित केली जाणार असून, परीक्षेसाठी नोंदणी करण्याची अंतिम मुदत ३ जुलैपर्यंत आहे. ही परीक्षा १८ वर्षांवरील सर्व उमेदवारांसाठी खुली आहे.
परीक्षेचे ५०० रुपये शुल्क आणि जीएसटी मिळून ५९० रुपये इतके शुल्क आकारले जाणार आहे. ३ जुलैनंतर प्राप्त झालेल्या नोंदणी स्वीकारल्या जाणार नाहीत. नोंदणी फॉर्ममध्ये प्रदान केलेल्या MCA QR कोडवर पेमेंट करणे आवश्यक आहे. तसेच पेमेंटचा पुरावा (स्क्रीनशॉट) अपलोड करणे आवश्यक आहे. नोंदणीच्या अंतिम तारखेनंतर सर्व उमेदवारांना अभ्यासक्रम, स्वरूप आणि परीक्षेचे वेळापत्रक कळवले जाईल. प्राप्त झालेल्या नोंदणींच्या संख्येवर अवलंबून, महाराष्ट्र क्रिकेट असोसिएशन मुख्य राज्य पॅनेल परीक्षेपूर्वी प्राथमिक तपासणी परीक्षा आयोजित करू शकते. नोंदणीमध्ये चुकीची माहिती दिली असल्यास किंवा परीक्षा शुल्क न भरल्यास नोंदणी न स्वीकारण्याचा अधिकार महाराष्ट्र क्रिकेट असोसिएशन राखून ठेवतो.
या संदर्भातील अधिक माहितीसाठी अजय देशपांडे (९८२३४४०५०५) यांच्याशी संपर्क साधावा, असे आवाहन करण्यात आले आहे.
पंच परीक्षेसाठी नोंदणी लिंक : https://bit.ly/4ckbUOb
