चक्रभेदी संस्थेकडून खास विधवा व एकल महिलांना रोजगाराची संधी — वैदेही सावंत

देवरुख: चक्रभेदी सोशल फौंडेशन देवरुख संस्था विधवा व एकल महिलांना समाजात मानसन्मान मिळावा तसेच त्यांना रोजगाराच्या संधी मिळाव्यात यासाठी सातत्याने प्रयत्न करत आहे. गेली चार वर्ष विधवा महिलांचे हळदी कुंकू उपक्रम घेऊन त्यांनीही कार्यक्रम सण, उत्सवाला नटून थटून यावे यासाठी प्रोत्साहन देत आहे शिव्या मुक्त समाज अभियान, जीवन कौशल्य कार्यशाळा, पर्यावरण संरक्षण इ. विविध नावीन्य पूर्ण उपक्रम राबवत आहे.

संस्थेच्या सेवाभावी कामाची दखल घेऊन एक नामांकित कपंनी स्टेनलेस टी स्टॉलचे चहा बनवण्यासाठीचे जवळपास एक लाख रकमेचे संपूर्ण साहित्य (वस्तू रूपाने CSR फंड) देत आहे. विधवा व एकल महिलांना रोजगाराची संधी मिळावी म्हणून वस्तूरूपाने देणगी देत आहे.

स्टेलनेस स्टील स्टॅाल,सरविंग ट्रे,चहाचे कप,कॉफीचे कप,चहा बनविण्याचे मोठे पितळी पातेल, चहा बनविण्याचे छोटे पितळी पातेल,दुध तापविण्याचे स्टेनलेस स्टीलचे मोठे पातेल, चहा बनविण्यासाठीचा मोठा चमचा,स्टील गॅस भट्टी बर्नर , मिल्टन थर्मास,चहाची गाळणी, पक्कड,गरजे नुसार इतर आवश्यक साहित्य देणार आहे.

फक्त कष्ट करण्याची तयारी असणे गरजेचे आहे

प्रामाणिकपणा व कष्टाळू वृत्ती ने पुढे जाणाऱ्यां विधवा व एकल महिलांनी,अपंग,गरजूनी संस्थेकडे अर्ज करायचा आहे. जे गरजू आहेत, विधवा व एकल आहेत.

ज्यांचे रोज २०० ते ३०० कप चहा संपेल असे व्यावसायिक ठिकाण निश्चित आहे त्यांचा प्राधान्यक्रमाने विचार केला जाईल नंतर इतर अर्जाचा विचार केला जाईल.

संस्थेचे कार्य पाहण्यासाठी अधिक माहितीसाठी संस्थेच्या CHAKRABHEDI NGO या you tube channel तसेच फेसबुक पेजला भेट देऊ शकता असे संस्थेचे सल्लागार रावसाहेब चौगुले यांनी सांगितलेआहे .

संपूर्ण महाराष्ट्र राज्यात जास्तीत जास्त गरजूना मदत करण्याचे संस्थेचे प्रयत्न सुरु आहेत.काही वेळेला विधवा महिलांकडे अँड्रॉइड मोबाईल नसल्याने त्यांच्या पर्यंत ही माहिती पोहचत नाही.

संवेदनशील व्यक्तींनी ही माहिती विधवा व एकल महिला , गरजू व्यक्तींपर्यंत पोहचवावी अशी विनंती संस्थेच्या वैदेही सावंत यांनी केली आहे.

जवळपास एक लाखाची मदत वस्तुरूपाने कम्पनी करत आहे त्याचा लाभ योग्य व्यक्तीला मिळावा यासाठी संवेदनशील व्यक्तीनी पुढे यावे..तुमच्या मूळे कोणा गरजूची चूल पेटू शकते.. त्यांच्या जीवनाला चांगली कलाटणी मिळू शकते..असे वैदेही सावंत यांनी मत व्यक्त केले आहे.

सर्व वस्तू मोफत दिल्या जाणार आहेत.त्याबदल्यात लाभार्थीनी स्वतःचे दरडोई उत्पन्न वाढवावे स्वतःचे व आपल्या मुलांचे जीवनमान उंचवावे हे संस्थेला अपेक्षित आहे.अर्ज आल्यानंन्तर चक्रभेदी टी स्टॉल निवड समिती छाननी करून योग्य लाभार्थी निवड करेल.

chakrabhedisf@gmail.com. या ई-मेल वर आपला अर्ज व वैयक्तिक, शैक्षणिक माहिती पाठवावी. ९४०५५९६७१७,९४२११३६६३२, ९७३०१५८०७१. या नंबरवर सकाळी ११:०० ते ४:०० दरम्यान सम्पर्क साधावा.

तसेच संस्था सुदृढ समाजासाठी सकारात्मक परिवर्तनाकडे एक पाऊल टाकत आहे. संस्थेला जोडण्यासाठी स्वयंसेवक होण्यासाठी अथवा देणगी, वेळ, कष्ट आर्थिक मदतीसाठी संवेदनशील व्यक्तींनी पुढे येण्याचे आवाहन संस्थेच्या वैदेही सावंत यांनी केले आहे.