राष्ट्रीय युवा स्वयंसेवकांच्या जागांसाठी ८ फेब्रुवारीपर्यंत अर्ज करण्याचे आवाहन
रत्नागिरी : राष्ट्रीय युवा स्वयंसेवकांच्या रिक्त जागांसाठी आवश्यक कागदपत्रांसह ८ फेब्रुवारीपर्यंत ऑनलाईन व ऑफलाईन अर्ज सादर करावेत, असे आवाहन नेहरू येवा केंद्राचे जिल्हा युवा अधिकाऱ्यांनी केली आहे.
प्रत्येक तालुक्यात ३ प्रमाणे एकूण जागा २७ आहेत. यासाठी अटी व पात्रता अशी : किमान पदवी शिक्षण घेणारा, पदवीधर, पदव्युत्तर. वयोमर्यादा- १ जानेवारी २०२५ रोजी १८ ते २९ वर्षे. मानधन : दर महा 5 हजार रुपये.
जास्तीत जास्त तीन महिने आणि किमान १५ दिवसाचा कालावधी असेल. उमेदवार ज्या तालुकासाठी अर्ज करत आहे, त्या तालुक्याचा रहिवासी असणे आवश्यक आहे. ज्या उमेदवारांनी ह्यापूर्वी NYV ह्या पदावर काम केले आहे त्यानी अर्ज करू नयेत. अर्जदार कुठेही नोकरी करत नसावा. ही पगाराची नोकरी नाही किंवा स्वयंसेवक कायदेशीररित्या सरकारकडून कोणत्याही प्रकारच्या रोजगाराचा करण्यास पात्र नसेल.
मुलाखतीचा दिनांक आणि वेळ ई-मेल आणि फोन च्या माध्यमातून कळविण्यात येईल. अर्ज कसा करावा, योजनेबद्दल सविस्तर माहिती व ऑनलाईन अर्ज नेहरू युवा केंद्र संगठन च्या www.nyks.nic.in वेबसाईटवर दिली आहे. (लिंक : https://nyks.nic.in/nycapp/main.asp). अधिक माहितीसाठी नेहरू युवा केंद्र रत्नागिरी, घ.नं. ७१९ ई, शंकेश्वरनगर, गांधी कंपाऊंड, आरोग्य मंदिर रत्नागिरी ४१५६१२, संपर्क:- ०२३५२- २९५८०४, ९१७६०९३४२९, ९४०३५०८१३१ येथे सकाळी १० ते सायंकाळी ५ या कार्यालयीन वेळेमध्ये संपर्क साधावा.
