अत्याधुनिक तंत्रज्ञान आणि साधने रुग्णांसाठी वरदायी ठरतील : डॉ. ज्योती यादव

चिपळूण : फिजिओथेरपी ही अनेक रुग्णांसाठी अलीकडच्या काळात आवश्यक ठरत आहे. आरोग्याच्या नवनवीन समस्यांना सामोरे जाताना डॉक्टर करणकुमार कररा यांचे आधुनिक तंत्रज्ञान आणि साधने असलेले फिजिओथेरपी सेंटर रुग्णांसाठी वरदायी ठरेल अशी आशा व्यक्त करत डॉक्टर ज्योती यादव यांनी डॉ. करण कररा यांना फिजिओथेरपी सेंटरच्या उद्घाटनप्रसंगी शुभेच्छा दिल्या.

कृष्णा विश्व विद्यापीठ कराड येथे फिजिओथेरपीमध्ये प्रथम श्रेणी मिळवत फिजिओथेरपी या विषयात द्वितीय क्रमांक मिळवलेल्या डॉक्टर करणकुमार कररा यांच्या रत्नागिरी जिल्ह्यातील चिपळूण तालुक्यातील चिंचघरी येथील फिजिओथेरपी सेंटरचे नुकतच उद्घाटन झाले. वैद्यकीय अधिकारी डॉ. ज्योती यादव यांच्या हस्ते फीत कापून हे उद्घाटन करण्यात आलं याप्रसंगी त्या बोलत होत्या.

सध्याच्या धावपळीच्या जीवनशैलीमध्ये अनेकांना फिजिओथेरपी ची गरज भासते. डॉ. करण यांच्या या फिजिओथेरपी सेंटरमुळे चिपळूण परिसरातील अनेक रुग्णांना दर्जेदार सेवा आणि उपचार उपलब्ध होतील असेही यावेळी बोलताना त्या म्हणाल्या.

याप्रसंगी चिंचघरी ग्रामपंचायतीचे प्रभारी सरपंच राजेश चाळके, राष्ट्रवादी युवक काँग्रेस पार्टी सिंधुदुर्ग जिल्हा प्रभारी व सरपंच चिंचघरी प्रदेश सरचिटणीस, जिल्हाध्यक्ष डॉ. राकेश चाळके, चिपळूण पंचायत समितीचे माजी सभापती शशी भाऊ चाळके, तंटामुक्ती अध्यक्ष दिनेश चाळके, अशोक भाई वडगावकर, मुशतकअली मुन्नजी सय्यद या सर्व मान्यवरांनी ही डॉ. करण यांचे अभिनंदन केले आणि पुढील यशस्वी वाटचालीसाठी शुभेच्छा दिल्या.

व्यंकटेश्वर राव कररा यांनी उपस्थित सर्व मान्यवरांना पुष्पगुच्छ देऊन स्वागत केले. आपल्या या वाटचालीत आपले संपूर्ण कुटुंब भक्कमपणे पाठीशी उभे असल्याचे यावेळी डॉ. करण कररा यांनी सांगितले. उपस्थित मान्यवरांसह आजूबाजूच्या परिसरातील अनेक शुभचिंतक यावेळी उपस्थित होते.