रत्नागिरीतील लोकजागृती फाउंडेशनतर्फे मालगुंड येथे रक्तदान शिबीर संपन्न

रत्नागिरी : प्राथमिक आरोग्य केंद्र मालगुंड व जिल्हा रुग्णालय रत्नागिरी यांच्या विद्यमाने येथील लोकजागृती फाउंडेशन यांचे वतीने मालगुंड येथील हॉटेल ओसियन ब्ल्यू येथे रक्तदान शिबिराचे आयोजन करण्यात आले होते.

यावेळी हॉटेल ओशियन ब्ल्यू मधील कर्मचारी यांनी तसेच नागरिकांनी रक्तदान केले. तसेच ३० वर्षांवरील ६८ रुग्णांची NCD साठी आरोग्य तपासणी करण्यात आली. यामध्ये रक्तगट, वजन, उंची, बीपी, शुगरची तपासणी करण्यात आली. या वेळी मालगुंड प्राथमिक आरोग्य केंद्राचे आरोग्य सहाय्यक व लोकजागृती फाउंडेशनचे कार्याध्यक्ष डॉ. परशुराम निवेंडकर, जिल्हा रुग्णालयाचे डॉ. प्रीतम सावंत, इन्चार्ज सिस्टर तन्वी रामपूरकर, रक्तपेढी तंत्रज्ञ साबिया वस्ता, इरम काझी, आधीपरिचारिका कोमल पावसकर, जनसंपर्क अधिकारी श्रीम. प्रणाली आयरे, कर्मचारी कृष्णा माकवाना, वाहचालक संदीप वाडेकर तसेच मालगुंड आरोग्य केंद्राच्या cho श्रीम. मनाली तारवे, आरोग्य सेविका अश्विनी गोवळकर, आरोग्य सेवक विक्रम जाधव, आशा सेविका समीक्षा मेणये उपस्थित होत्या.

या शिबिरासाठी ओसियन ब्ल्यू हॉटेलच्या मॅनेजर सोनाक्षी बुगडे यानी सर्व व्यवस्था उत्तम केली. हे शिबीर जिल्हा आरोग्य अधिकारी डॉ. अनिरुद्ध आठल्ये, प्राथमिक आरोग्य केंद्राच्या वैद्यकीय अधिकारी डॉ. मधुरा जाधव व डॉ. सुनीता पवार यांच्या मार्गदर्शनाखाली घेण्यात आले.