रत्नागिरी : मध्य रेल्वेच्या हद्दीत ठाणे तसेच दिवा रेल्वे स्थानकादरम्यान टीडब्लूएस पाईंट बदलण्याच्या कामासाठी घेणात येणार्या मेगा ब्लॉकमुळे कोकण रेल्वेमार्गावर धावणारी नेत्रावती एक्स्प्रेस दोन दिवसांसाठी निर्धारित लोकमान्य टिळक टर्मिनसऐवजी पनवेल स्थानकापर्यंतच धावणार आहे.
या बाबत कोकण रेल्वेकडून देण्यात आलेल्या माहितीनुसार, मुंबईत ठाणे-दिवा दरम्यान रेल्वे मार्गावरील कामासाठी २४ नोव्हेंबर रोजी मेगाब्लॉक घेतला जाणार आहे. यामुळे तिरुअनंतरपुरम ते लोकमान्य टिळक टर्मिनस (१६३४६) दरम्यान धावणारी २२ नोव्हेंबर रोजी प्रवास सुरू होणारी नेत्रावती एक्स्प्रेसलाच थांबवण्यात येईल. पनवेल ते लो. टिळक टर्मिनस दरम्यान या गाडीचा प्रवास रद्द केला जाईल. याचबरोबर दि. २४ रोजी लो. टिळक टर्मिनस येथून तिरुअनंतरपुरमसाठी सुटणारी डाऊन नेत्रावती एक्स्प्रेस (१६३४५) लो. टिळक टर्मिनसऐवजी पनवेल येथून प्रवासासाठी निघणार आहे.
या दिवशी नेत्रावती एक्प्रेसने प्रवास करणार्या प्रवाशांनी या बदलाचाी नोंद घ्यावी, असे आवाहन रेल्वेकडून करण्यात आले आहे.
